anantha sakthi kavasam

நடு நடுவே சேர்க்கப்பட்டுள்ள தேவையில்லாத கருவிகள் இசையாலும் வரிகளை திரும்பத் திரும்ப பாடுவதாலும் குண்டலினி மேலே ஏறுவது கெடுவதால் அவை நீக்கப் பட்டுள்ளன. பழனி பாதயாத்திரை செல்பவர்கள் மற்றும் ஐயப்பன் கோவில் செல்பவர்கள் தினமும் பஜனை செய்வார்கள். அவர்கள் கந்த சஸ்டி கவசத்தை தொடர்ந்து பாடும்போது டெம்போ குறையாமல் இருப்பதால் நிறைய பக்தர்களுக்கு அருள் வந்து சாமியாடுவார்கள். ஆனால் கந்த சஸ்டி கவசத்தை சீ டீ யில் போட்டுக் கேட்கும்போது ஒன்றும் விழைவதில்லை. ஆங்காங்கு வரும் கருவிகள் சப்தத்தாலும் வரிகளை திருப்பிப் பாடுவதாலும் டெம்போ குறைந்துவிடுகிறது. (சில பதிப்புகளில் ஸ்கந்த சஸ்டி கவசத்தை ஐந்து ஐந்து வரிகளாய் பதம் பிரித்து எழுதியுள்ளனர். அது பாடும்போது ஓசை இசை சந்தம் ஆகியைவகைள கெடுக்கும் என்பதால் நான்கு நான்கு வரிகளாகவே பிரசுரிக்குமாறு கேட்டுக் கொள்கிறேன்.) (அதே போல் ஸ்கந்த சஸ்டி கவசம் இசை வடிவில் உள்ளதை கேட்கும்போது இடை இடையே கருவிகள் இசை சேர்க்கப்பட்டுள்ளது. (வயலின், கிட்டார், வீணை, புல்லாங்குழல் முதலியவை.) சஸ்டி கவசம் கேட்டுக்கொண்டே தியானம் செய்பவர்கள் கவசம் கேட்கும் போது குண்டலினி மேலே ஏறுவதையும் கருவிகள் இசையின் போது குண்டலினி கீழே இறங்கி நினைவு மனம் விழித்துக் கொண்டு சுற்றியும் நடக்கும் சப்தங்கள் முதலியவைகளை கவனிக்க ஆரம்பித்து விடுவதையும் அனுபவத்தில் உணரலாம். எனவே இனி இசை அமைப்பவர்கள் கருவிகள் இசை இல்லாமல் தொடர்ந்து கவசம் மட்டுமே கேட்குமார்ப்போல் இசை அமைக்கும்படிக்காய் அன்புடன் கேட்டுக் கொள்கிறேன். எம்.எஸ் காலத்தில் ஆரம்பித்தது. அப்படியே தொடர்கிறது. இடைவெளி இல்லாமல் ஒருமுறை காஸெட் வெளியிட்டுப் பாருங்கள். வித்தியாசம் உணர்வீர்கள். கவசம் முடிவதற்குள் உடம்பு மரக்கட்டை போல் ஆவதை அனுபவத்தில் உணரலாம்.) (தபேலா முதலிய தாளக் கருவிகள் கூடவே நடையைக் காட்டிக்கொண்டு வரலாம். தப்பில்லை. நல்லதுதான்.) நடு நடுவே பாட்டை நிறுத்திவிட்டு தங்கள் சொந்தத் திறமையை காட்டுவதற்காக டொயிங்க் டொயிங்க் என்று தட்டக்கூடாது. அவ்வளவுதான். the secret of the lord muruga and goddess parasakthi the unnecessary instumental sounds and the repetitions of the words are removed as they are disturbing in the rising of kundalini power (reiki or cosmic energy) when the palani pilgrims (go by walk 200 kilometers) and the ayyappan pilgrims (go by walk 50 kilometers, some go by walk from Tamilnadu, andhra, karnataka 500 kilometers) are doing bajans (prayer by singing) as the sasti kavasam is sung continuously without any intervals or repetitions of the words most of the devotees will dance in extecy. But this will not happen while we are hearing the song by playing the CD or DVD. The unecessary instrumental sounds in intervals and the repetitions of the words by the singer reduce the tempo. when you are meditating while hearing the kavasam you can experience that your kundalini is rising while the song is going and your consciousness is active and it will look the surroundings while the instruments sound is going or the repetitions are going this might be started during M.S.Subbulakshmi and is continued even now. in future the composers are requested to sing the song continuously. you will feel the difference. that is the secret. but thabla or drums like instruments can run with the song, to show the nada, the step. don't do the toing toing sounds to show your personnal tallent ..that is all.

ஸ்கந்த சஸ்டி கவசம் மெட்டில் பாடுங்கள் :

காப்பு

அழைப்போர்க்கு அல்லல் போம்; துயரம் போம்; மனதில்

வைப்போர்க்கு வாழ்க்கை பெருகி வளம் ஓங்கும்

சித்தியும் சித்திக்கும் , அசோகர் அருள்

ஆனந்த சக்திக் கவசம் இதனை.

நல்லோர் துயர் தீர அசுரர் அழித்த

சக்தி அருள் நெஞ்சே குறி.

நூல்

நிலை மண்டில ஆசிரியப்பா

சக்தியை அழைக்க சடுதியில் வருவாள்

பக்தர்க்கு அருளும் பரமன் மனையாள்

பாதம் இரண்டில் கொலுசுகள் ஒலிக்க

கீதம் பாடும் கிண்கிணி சலங்கை …..004

பைய நடனம் செய்யும் பைந்தமிழ் எழிலாள்

கையில் சூலத்தோடு காக்க இங்கு வந்து

வருக வருக மலையாள் வருக

வருக வருக மாண்புடன் வருக …..008

எண்திசை வாழும் எண்மர் போற்ற

மண்தனை வளர்க்க சூலம் வருக

வளைக்கரம் வாழ்த்த வருக வருக

இன்பச் சிவனின் நினைவோள் வருக …..012

ஆறுமுகனின் அம்மா வருக

குங்குமம் அணிந்து கூடவே வருக

சிறந்த மகளே சீக்கிரம் வருக

சக்தியின் உருவே சடுதியில் வருக ….016

உமையவள் நீயே கிலி கிலி கிலி கிலி

அமைப்பவள் நீயே வழி வழி வழி வழி

வினைகள் அறுக்க வீரீ நமோ நம

கருணை வடிவே சரணம் சரணம் …..020

தசரதன் மகளே வருக வருக

அசுரரை அழித்த அம்மா வருக

எந்தனை ஆளும் எளிழோள் கையில்

பதினேட்டாயுதம் பாசாங்குசமும் ….024

கருணை விழிகள் கனிவுடன் திகழ

விரைந்தெனைக் காக்க விழியோள் வருக

ஐயும் கிளியும் அடைவுடன் சவ்வும்

உய்யொளி சவ்வும் உயிர் ஐயும் கிளியும் …..028

கிளியும் சவ்வும் கிலரொளி ஐயும்

நிலைபெற்று என்முன் நித்தமும் ஒளிரும்

சக்தி நீயும் தனியொளி யவ்வும்

குண்டலி ஏறி குலமகள் வருக ……032

அன்னை முகமும் அருள் கூறும் அழகும்

செவ்வொளி நெற்றியும் நெடிய புருவமும்

பதினெட்டுக் கையும் பவளச் செவ்வாயும்

நன்னெறி நெற்றியில் நவரத்ன சுட்டியும் …..036

எழில் சேர் செவியில் இலங்கும் குண்டலமும்

அன்பும் கருணையும் அருளும் நெஞ்சில்

பல்வகை மணியும் பதக்கமும் தரித்து

நல்வகை சேர்ந்த நவரத்ன மாலையும் ……040

உன்புகழ் பாடும் முத்தணி மார்பும்

செப்பழகுடைய திருவயிருந்தியும்

முருகனின் மடியில் சுடரொளிப் பட்டும்

நவரத்தினம் பதித்த நற்சீறாவும் ……044

என் குகன் அமர்ந்த எழில் சேர் கால்களும்

சிறந்த கால்களில் கொலுசொலி இசைக்க

செககண செககண செககண செகண

மொகமொக மொகமொக மொகமொக மொகன …..048

நகநக நகநக நகநக நகன

டிகுகுண டிகுடிகு டிகுகுண டிகுண

ஓம்ஓம் ஓம்ஓம் ஓம்ஓம் ஓம்ஓம்

ஸ்ரீம்ஸ்ரீம் ஸ்ரீம்ஸ்ரீம் ஸ்ரீம்ஸ்ரீம் ஸ்ரீம்ஸ்ரீம் ……052

க்லீம்க்லீம் க்லீம்க்லீம் க்லீம்க்லீம் க்லீம்க்லீம்

டகு டகு டிகு டிகு டங்கு டிங்குகு

உயிர்ச் சக்தி அவளே உள்ளே இருப்பாள்

முந்து முந்து முன்னாள் முந்து …..056

எந்தனை ஆளும் என்னுயிர் அம்மா

மைந்தன் வேண்டும் வரமகிழ்ந்து உதவு

லாலா லாலா லாலா வேசமும்

லீலா லீலா லீலா வினோதம் என்று …..060

உன் திருவடியை உறுதியாய் பற்றி

என்தலை வைத்தேன் இணையடி காக்க

என்னுயிர்க்கு உயிரே என் அம்மா காக்க

பண்புடை விழியால் என்னைக் காக்க ……064

அடியவன் வதனம் எழில் சூல் காக்க

சிகப்பு சேர் நெற்றியை சீர் சூல் காக்க

கலங்கும் கண்களை கருஞ் சூல் காக்க

செவிகள் இரண்டும் செஞ் சூல் காக்க …..068

நாசிகள் இரண்டும் நல் சூல் காக்க

பேசும் வாய்தனை பெருஞ் சூல் காக்க

முப்பத்திருபல் முனி சூல் காக்க

செந்தமிழ் நாவை செஞ் சூல் காக்க …..072

கன்னம் இரண்டை கதிர்சூல் காக்க

என்னிளம் கழுத்தை இனி சூல் காக்க

மார்பை ரத்ன வடி சூல் காக்க

சேர்ந்த நெஞ்சினை நேர் சூல் காக்க ……076

வடிசூல் இருதோள் வனப்புடன் காக்க

பிடரிகள் இரண்டும் பெரும் சூல் காக்க

அழகிய முதுகை அருள் சூல் காக்க

பளு பதினாறும் பரு சூல் காக்க …..080

வெற்றி சூல் வயிற்றை விளங்கவே காக்க

சிற்றிடை அழகுற செஞ் சூல் காக்க

அரை ஞான் கயிற்றை அருள் சூல் காக்க

ஆண் பெண் குறிகளை அழகு சூல் காக்க ……084

பிட்டம் இரண்டும் பெரும் சூல் காக்க

வட்டக் குதத்தை வல் சூல் காக்க

பனைத் தொடை இரண்டும் பரு சூல் காக்க

கணைக்கால் முழங்கால் கதிர் சூல் காக்க ……088

ஐவிரல் அடியினை அருள் சூல் காக்க

கைகால் இரண்டும் கருணை சூல் காக்க

முன்கை இரண்டும் முரண் சூல் காக்க

பின்கை இரண்டும் பின்னவள் இருக்க ……092

நாவில் சரஸ்வதி நற்துனை ஆக

நாபிக் கமலம் நல்சூல் காக்க

முப்பால் நாடியை முனை சூல் காக்க

எப்பொழுதும் என்னை எதிர் சூல் காக்க …..096

அடியேன் வசனம் அசைவுள நேரம்

கடுகவே வந்து கனக சூல் காக்க

வரும் பகல் தன்னில் வச்ர சூல் காக்க

அரை இருள் தன்னில் அரும் சூல் காக்க ……100

ஏமத்தில் சாமத்தில் எதிர் சூல் காக்க

தாமதம் நீக்கி சதுர் சூல் காக்க

காக்க காக்க கனக சூல் காக்க

நோக்கும் போதே நோய்கள் நீங்கும் …..104

தாக்கும் போதே தடைகள் தகரும்

பார்க்கும் போதே பாவம் அழியும்

பில்லி சூன்யம் பெரும்பகை அகலும்

வலிய பூதம் வாலாட்டும் பேய்கள் ……108

அல்லல் தருகின்ற அடங்கா முனிகள்

பிள்ளைகள் கொல்லும் பின்வீட்டு பேயும்

கொள்ளிக்கண் பேய்களும் குணங்கெட்ட பேய்களும்

பெண்களைத் தொடரும் பேதைப் பேய்களும் ……112

அடியனைக் கண்டால் அங்கேயே அழிந்திட

இரத்தக் காட்டேரி இறுமாப்பு படைகள்

இரவிலும் பகலிலும் எதிர் வரும் தீயரும்

கண்டதும் உண்ணும் காளியோடு அனைத்தும் …..116

விடாது தொடரும் வினை மிகு பேய்களும்

தண்டியம் செய்யும் சண்டாளர்களும்

என் பெயர் கேட்டதும் இடி விழுந்து நடுங்கிட

அறியாது வைக்கும் அற்பப் பொம்மைகள் …..120

பூனை மயிரும் பிள்ளைகள் என்பும்

கைகால் நகங்களும் மண்டை ஓடும்

பொம்மைகள் உடனே பானையில் வைத்த

வீட்டினில் வைக்கும் வினை பிடித்தோர்கள் …..124

பொம்மையில் ஆணியை அடித்தே வைத்து

காசு பணத்துடன் சோற்றையும் வைத்து

குங்குமம் ஜபித்து கூடவே வைத்தோர்

அடியேனைக் கண்டால் அலறி அழிந்திட ……128

பகையும் தீயோரும் வந்து வணங்கிட

எமனின் ஆட்கள் எழுந்து ஓடிட

பயந்து அழுது பாய்ந்து ஓடிட

மனமும் கலங்கி மறைந்து ஓடிட …..132

கற்களில் முட்டி கயற்றால் கட்டி

உடம்பெல்லாம் நோக உடனே கட்டு

எலும்புகள் உடைய எட்டி உதைத்து

கட்டும் கட்டில் கைகால் நொறுங்க …..136

அடிக்கும் அடியில் கண்கள் வெளிவர

சிறு சிறு துண்டாய் சீவிப் போடு

அரு அரு என்றே பகையை அறுத்திடு

சொருகு சொருகு சூலம் சொருகு …..140

நெருப்பு அவர்கள் நெஞ்சில் பற்றிட

எரியட்டும் நெருப்பு என்றென்றும் அங்கே

சூலத்தை எறிவாய் சூழ்ந்தது ஓட

புலிகள் நரிகள் பொல்லாத நாய்கள் …..144

எலிகள் கரடிகள் எல்லாம் ஓட

தேள்கள் பாம்புகள் சீயான் பூரான்கள்

பாழ் பட்டுப் போன பூச்சிகள் கடித்து

ஏறிய விஷமும் உடனே இறங்க ……148

காயங்கள் சுளுக்குகள் கதறும் தலைவலி

வாதம் காய்ச்சல் வலிப்பு நோய்கள்

சூலை சயம் குன்மம் சொரியும் சிரங்கும்

வலிகள் புண்கள் வயற்று நோய்கள் …..150

ராஜ பிளவைகள் ராத்திரி நோய்கள்

பூனை நாய் சிலந்திக் கடிகள்

பல்வலி அரணை ஆப்புக் கட்டிகள்

எல்லா நோய்களும் என்னைக் கண்டதும் ……154

கதறி ஓட கருணை புரிவாய்

அனைத்து உலகமும் அன்புடன் உறவாட

ஆண் பெண் அனைவரும் நட்பாக

நாட்டை ஆள்வோரும் நட்புடன் உதவ …..160

உன்னை நம்பி உன் பெயர் சொல்ல

சக்தியும் நீயே சகலமும் நீயே

திரிபுர சுந்தரி தினமும் நீயே

சப்தமும் நீயே சலனமும் நீயே …..164

விஷ்ணுவின் தங்கை வேந்தனின் மங்கை

தேவரைக் காக்க திரிசூல் எடுத்தாய்

மாந்தரைக் காக்கும் மகிமை அவளே

காலனை அழித்து ககனம் காப்பாய் …..168

எல்லோரையும் காக்க இப்போதே வருவாய்

தணிகையை ஆளும் சங்கரன் மனையாள்

காஞ்சி நகர் அமர் காமாக்ஷி தாயே

மதுரை அரசாலும் மாபெரும் அரசி …..172

கருக்காவூர் காத்த கருணைத் தெய்வம்

மாங்காடு அமர்ந்த மங்கையர்க்கரசி

காசியில் சிரிக்கும் விசாலாக்ஷி தாயே

கலைகளின் அரசி கலைமகள் என்றும் ….176

என்னிடம் இருக்க நான் தினம் பாட

என்னுள் இருக்கும் எந்தன் தாயை

பாடுவேன் தினமும் பைந்தமிழ் மொழியால்

ஆடினேன் பாடினேன் ஆனந்தத்தாலே ……180

கொஞ்சும் அழகுடன் குங்குமம் அணிய

பாழும் வினைகளும் பாவமும் நீங்கி

உன் அடி சேர உன் அருளாலே

அன்புடன் தருவாய் கல்வியும் செல்வமும் …..184

நல்ல வாழ்வும் நலமும் பிறவும்

சீரும் சிறப்பும் சித்திகள் பெருக

வாழ்க வாழ்க வளைக்கரம் வாழ்க

வாழ்க வாழ்க திரிசூல் வாழ்க ……188

வாழ்க வாழ்க மதுரைக்கு அரசி

வாழ்க வாழ்க வாழ்த்தும் சிவனுடன்

வாழ்க வாழ்க சிம்மம் ஏறினாள்

வாழ்க வாழ்க என் துயரங்கள் நீங்க …..192

ஏதேனும் பிழைகள் ஏதேனும் தவறுகள்

ஏதேனும் குறைகள் செய்திருந்தாலும்

பெற்றவள் நீதான் பொருப்பவள் நீதான்

தந்தை சிவன்தான் தாயும் நீதான் ….196

உன் பிள்ளை என்மேல் அன்பாய் இருந்து

உன் மகன் என்மேல் உயிராய் இருந்து

உன்னிடம் வந்தோர் உயர்ந்திட வழி செய்

ஆனந்த சக்தி கவசம் விரும்பிய ….200

அசோக ஆனந்த சித்தன் பகர்ந்ததை

காலையில் மாலையில் கவனமாய் தினமும்

நன்றாய் குளித்து நல் துணி அணிந்து

நினைவு தடுமாறாது நிற்கும் நிலையில் …..204

ஆனந்த சக்திக் கவசம் இதனை

சிந்தை ஒன்றாகி தியானிப்பவர்கள்

ஒரு நாள் முப்பத்தாறுருக்கொண்டு

ஓதியே ஜபித்து சிகப்பும் அணிய …..208

எட்டுத் திக்குள்ள எண்மரும் அடங்குவர்

செயல்களில் எல்லாம் வெற்றியை தருவர்

எதிரிகள் எல்லாம் எப்போதும் வணங்குவர்

சூரியன் முதலோர் சூழ்ந்து உதவுவர் ……212

எப்போதும் என்றும் இளமையாய் வாழ்வர்

என்றும் பதினாறாய் எப்போதும் இருப்பர்

அன்னையின் கையிலுள்ள அருள் சூலத்தை

பாதையாய் வைத்து பயணம் செய்க …..216

கண்ணால் காண கடும் பேய் ஓடும்

தீயோரெல்லாம் தீய்ந்து கருகுவர்

நல்லவர் நெஞ்சில் நாளும் நிற்கும்

அல்லவர் தீயோர் அழிக்கும் சூலை …..220

எந்தன் உள்ளம் எந்நாளும் அறிந்து

வீரலக்ஷிமை விரும்பிடும் தினமே

சூரனை அழித்து துன்பம் நீக்கி

தேவர்களுக்கு தேனின்பம் தந்து …..224

காஞ்சிபுரத்தில் கடும் தவம் செய்த

செல்லக் கால்களில் சேர்வோம் இன்றே

என்னை ஆட்கொண்டு எந்தன் நெஞ்சில்

எப்போதும் இருக்கும் அம்மா போற்றி …..228

தேவர்கள் நெஞ்சில் வாழ்வாய் போற்றி

பரமனின் நெஞ்சின் மகிழ்வே போற்றி

அருள் மிகு அழகு அம்மா போற்றி

அரக்கரை அழித்த அன்பே போற்றி …..232

காமாக்ஷி போற்றி கருணை போற்றி

வெற்றி பெறுகின்ற சூலே போற்றி

திரிபுரசுந்தரி புவனத்தரசி

ஸிம்ஹவாஹிநி சீரடி சரணம் …..236

சரணம் சரணம் அம்மா சரணம்

சரணம் சரணம் சக்தியே சரணம்